برمنگھم(نیوز ڈیسک)رس بھرے تربوز کے ذائقے کا کیا کہنا، اور آپ یہ بھی ضرور جانتے ہوں گے کہ اس میں وٹامن اور معدنی اجزاء کا خزانہ چھپا ہوتا ہے، لیکن اس کے چھلکے کے متعلق آپ کا کیا خیال ہے؟یہ سخت اور بے مزہ چیز کسی کام کی نہیں، شاید آپ کا جواب بھی یہی ہو گا، لیکن اس کے فوائد کی حقیقت جانیں گے تو ضرور آپ بھی کہیں گے کہ یہ تو بہت ہی قیمتی چیز ہے۔
ویب سائٹ remediesmedicine کے مطابق تربوز کا چھلکا وٹامن اے، وٹامن بی سکس، وٹامن سی، پوٹاشیم، مینگنیز اور زنک سے بھرپور ہوتا ہے۔ یہ سب چیزیں اپنی جگہ بہت مفید ہیں لیکن تربوز کے چھلکے میں پائی جانی والی ایک اور بہت اہم چیز لائیکوپین ہے۔ یہ جزو ہمارے جسم سے فاسد مادوں کو خارج کرتا ہے اور ہمیں طرح طرح کی بیماروں سے تحفظ فراہم کرتا ہے۔ تربوز کے چھلکے میں سٹرولین بھی پایا جاتا ہے جو مسلز کو صحتمند رکھتا ہے۔ دلچسپ بات یہ ہے کہ جہاں یہ ایک جانب آپ کو مسل بڑھانے میں مدد دیتا ہے تو وہیں چربی کم کر کے موٹاپے پر قابو پانے میں بھی مدد دیتا ہے۔
