آواران (ڈیلی پاکستان آن لائن )بلوچستان کے ضلع آواران میں
راکٹ حملے میں چھ سیکیورٹی اہلکار شہید جبکہ دوزخمی ہو گئے ہیں ۔
نجی انگریزی اخبار ’ایکسپریس ٹریبون ‘ کے مطابق بم ڈسپوژل کی ٹیم ’کور‘ کے علاقے میں سرچ آپریشن کر رہی تھی جو کہ تحصیل مشہکے سے تیس کلومیٹر کے فاصلے پر ہے ، اس موقع پر ایک نامعلوم مسلح شخص نے ٹیم پر راکٹ فائر کر دیا جو کہ بم ڈسپوژل سکواڈ سے کچھ دوری پر گری جس کے باعث چھ اہلکار موقع پر ہی شہید ہو گئے جبکہ دوشدید زخمی ہوئے ۔جس کے بعد سیکیورٹی فورسز نے اطلاع ملنے پر علاقے کو گھیرے میں لے لیا اور راکٹ فائر کرنے والے مسلح شخص کی تلاش شروع کر دی ہے ۔شہید ہونے والوں میں حوالدار شبیر ، سپاہی شیراز ، سپاہی بشیر ، سپاہی شراج ، سپاہی اللہ نواز ، سپاہی عاد شامل ہیں جبکہ زخمی ہونے والوں میں سپاہی احسن ، اور راشد شامل ہیں ۔
